內容管理系統CMS是網站的核心

好多朋友覺得搵網頁公司第一件事就係要睇網頁整得靚唔靚，視覺感觀(Visual)就係網頁設計既一切，但事後先知攪錯左件事。的而且確，美觀既網頁可以給予新舊用戶相當既吸引力，不過Visual只係網頁其中一環，仲有Overall既使用體驗，例如容易搵到想要既資料，手機電腦都兼容到等等。另一方面，公司同事要定期更新內容既話，就要有一套內容管理系統(Content Management System, CMS)，CMS正正係網站既核心處理器，無左CMS，就只有Programmer先可以更新到網站內容，試想像一下你只係要換主頁既一幅Banner都要搵個識網頁編程既人處理，維護係極度唔方便同昂貴。

今次我地pnetform網頁公司就會介紹3種2020年主流CMS模式，以及相關既常見例子。每種模式都各有優勝之處，適合不同階段既企業採用。3種CMS模式包括：

• 網頁製作平台 (Website builder)
• 自訂內容管理系統 (Custom CMS)
• 開放源碼內容管理系統 (Open source CMS)

或者你未聽過呢啲名詞，不過有關既CMS就應該會聽過，例如香港既Shopline、Boutir掌鋪以至國際性既Wix同Shopify就係網頁製作平台；WordPress、Magento、Joomla、Drupal等就係最主流既Open Source CMS。事不直遲，馬上去文。

舊文重溫：Wix對WordPress 2019

網頁製作平台適合創業人士

Website builder即係網頁管理員直接登上有關既平台進行網站架設及更新，平始往往會提供大量模版(Website template)俾用家選擇，唔使由零開始，甚至只需換上公司logo及圖文就可出街。網頁製作平台既好處係即食易用，不單止唔需要編程，甚至連設計都唔使識，只需基本電腦操作技考就可以建立網站。平台費用一般只需每月數百元，就有齊全自動既管理同維護，入門要求好低，故此十分適合剛剛創業既人士。

網頁平台既局限性係所有功能都必需係由平台提供，如果你想要既功能較為冷門，平台係無可能為你度身訂造一個你要既功能。另外如果你對設計有要求，平台未必可以俾你加插自訂網頁設計編碼，尤其係香港本地平台都唔能夠滿足到呢點，外國既平台例如 Shopify就容許用戶進行編程。但請慬記，網頁平台基本上係封閉性的，他朝一天想轉換平台，就意味住你一定要放棄已有既網站，再由零開始。除非平台實力相當雄厚，否則大公司真係比較少會選用網頁平台。

自訂CMS專為特定用途而設

另一個極致就係自訂CMS，即係完全自己建立既內容管理系統，好處係完全符合公司特定要求，無論介面、使用方法以至功能都可以訂制。自訂CMS未必完全由零開發，網頁公司可以由開放源碼CMS改裝，從而降低開發成本。然而，由於自訂系統專為一間公司而設，成本不菲，未計設計費用可能已需數萬至數十萬港元，對於資金不多既初創或中小企而言，實在需要有一個理由先會採用Custom CMS。另外 Custom CMS既維護成本可以好高，萬一原有網站開發公司結業，就得另覓編程團隊協助維護，如原有公司未能提供詳細說明文件 (Documentation)，聘用編程員去分析自訂CMS將會非常昂貴。pnetform認為如果你在市面上搵唔到可提供心儀功能既系統，先至要考慮用Custom CMS。

開放源碼CMS適合中小企業

最後要介紹既就係開放源碼內容管理系統(Open source CMS)，就咁睇名你可能唔知係乜野意思，但Open source CMS既例子你應該會聽過，例如WordPress、Magento、Drupal等等。Open source係指整個系統程式既程式碼係公開而且可以自行修改的，著名既Open source軟件例子仲有Android、Linux等，所以軟件本身係無任何授權費用。開放源程式除左免費外，由於背後既理念係集體智慧 (Collective intelligence)，所以一般需要既功能都齊備，亦都唔受某間公司限制，例如即使原來既WordPress網頁公司結業，大可搵過另一間有提供WordPress開發既網頁公司協助。

一般人對Open source CMS有一個誤解，就係唔安全。「既然source都開放埋，邊會安全啦?」其實呢個係一個謬誤，正因為Open source，安全漏洞都發現得早，只要設定好自動更新，保安反而較Custom CMS更有保證。美國白宮網站 (www.whitehouse.gov)正是以WordPress作為CMS的。

由於Open source CMS的性價比高，十分適合中小企業採用，即使大企業或機構的入門網站都適宜。搵香港網頁設計公司用Open source CMS設計網站，價錢由數千元至十數萬元不等，視乎設計及功能要求而定。

總結

以上3種CMS模式各有優勝之處，適合唔同階段或要求既企業採用。網頁平台 (Website builder)較適合資本唔多既創業人士使用，無需起始費用，每月數百元即可自行擁有公司網站；自訂CMS則適合有特殊要求而且有一定資本既公司採用，起動費用由數萬元至數十萬元不等，維護年費約為起動費的10 – 15%左右，由於完全自訂，公司客戶應同網頁公司傾清楚條款；開源CMS適合一般中小企業以至大企的品牌網站，起動費用由數千元至十數萬元，維護費用要視乎功能，如作為一般既品牌網站，則約每月數百元經已十分足夠。

網頁設計係一個轉變急速既行業，一般網站既生命周期大約係3至5年，視乎使用目的，pnetform經常將網頁比喻為你網上既店鋪，零售食肆一般既裝修設計大約都係3至5年，實在十分吻合。唔同實體店既係，網站或者網店可以使用CMS隨時隨地更新，為客人帶新鮮感。

網台科技pnetform係香港網頁設計公司，專業網頁設計及網站開發，歡迎聯絡。 ([email protected])