公司網頁設計值錢既地方唔淨係UI

話說網頁設計部既同事都係連登既粉絲，某一夜上連登睇到一篇軟件台既文 (標題：公司網頁設計最值錢唔係UI ，而係 …)，當然十分好奇，即時按下去睇睇啦。(補充一下，連登係高登討論區既衍生產品，話說當年高登仲係大哥，唯獨UX唔好，所以有網民自行開發App去讀高登，咁高登知道後就小氣，阻止左第3方既API登入，結果網民另起爐灶，整左連登出來，詳細可以參考番香港網絡大典。) 入番正題先，大家唔好誤會UI (User Interface，用戶介面)同UX (User Experience，用戶體驗)唔值錢，但樓主最主要想講既係SEO。

Back to Top

免費增加大量網站流量

話說樓主公司用左萬幾蚊搵人整左個網頁，足足一年都無乜人睇過。之後就搵左幾個Freelancer，用左十幾倍既價錢做過新網站，界面正常舒服，但最重要係個幾星期已經有五千個訪客。睇到呢到，大家都明白樓主想講既野，一個網站既價值，其實係要透過訪客既數字體現出來。正如一間店鋪，就算裝修如何精心設計，貨物如何價廉物美，如果無人流，都無法子做成生意。樓主提及幾個SEO既概念，第一係SEO分數要夠高，佢講既係網站本身既技術需要搜尋器友善，包括網頁速度夠快，內容擺放要令用家覺得好用同容易搵到有用既資料，手機友善等等 (當中涉及二百幾個因素，好難講得哂)。香港網頁設計公司往往唔太重視SEO，其實網頁設計公司係蘑菇架，只係因為班香港客只係著重表面野，例如UI咁，但潛在係網頁下既code就無人理，加上有限既預算，香港網頁設計公司只好將貨就價，望落似樣就交貨。筆者試過係間網頁設計公司打工，當年老細為求就手，就叫我地乜都隱形 (display:none)就算，呢件事本身正正就係減低唔少SEO分數，當時我都覺得有無攪錯，後尾知道原來個客俾左萬幾蚊改左一百幾十萬次，老細無爛佢尾都算係咁。(所以項目管理真係好緊要)

SEO分數高唔代表網站流量一定高，但分數高係必要既條件，總言之，一個好網站具備好既SEO條件，加上SEO策略，長遠的回報一定會比隨隨便便人有我有咁整個網站更好，為公司企業帶來巨大既潛在回報。試諗下，一間公司既網站有大量免費流量，比起只有無人睇既網站，甚至連網站都無既公司，多左幾多無形既曝光? 而家係2019年，網絡有幾重要，大家應該心中有數啦。

Back to Top

Back to Top

經常更新網站內容

同事睇完個thread，其實仲有問題的。網站設計師可以製作SEO friendly既網站，但今日Google既AI已經去到一個點，強到同真人感覺無乜分別，換句話講，大家以前用既旁門左道 (正式名稱為黑帽SEO, Black hat SEO)去呃Google，而家已經幾乎無效，就連上網買backlink既效果都大不如前。Google已經講明，佢地既最重要評分標準係內容，只要公司網站既內容能夠滿足使用者，例如實用既資訊、充滿娛樂性或者有研究價值等等，使用者駐足停留夠耐，SEO Ranking就自然會高，不用刻意去做啲乜野去呃Google的。舉一個極低B既例子，例如我有興趣搵”香港網頁設計公司推薦”，別有用心既網頁設計公司就將呢段字不停咁重覆在同一頁面上一百次，你估我入到個網站會唔會有興趣睇落去? 呢種做法叫做Keyword stuffing，一早已經被Google ban左。所以講到尾都係要老實做人，勤力創造，pnetform公司就有自己既文案專員，亦提供文案寫作服務，正正因為只有內容先至係吸引流量既真實原因。(延申閱讀：那夜，蘋果日報網站會員人數上升了四十萬人)

Back to Top

SEO和SEM的關係

其實段thread未完既，網友就提過，流量可以係賣廣告咁番來，又或者篤數云云。首先，大家要信Google，呢個係前設來既，我地當Google係誠實唔呃人，下一步就係分析廣告同自然流量既關係。在網上既世界，公司可以透過付費俾搜尋器，經不同既渠道 (例如 關鍵字廣告、Google Ad Banner、Youtube等等)顯示連結，從而增加網站既流量，我地一般稱呢種為SEM (Search Engine Marketing廣告，簡稱SEM)。咁俾錢淨係做SEM咪得囉，點解又要攪SEO呢? 又或者淨係SEO咪得囉，做乜要俾錢做SEM? 其實一個好既Digital Marketing策略，係要兩者配合既，我地試下打個比喻，SEM就好似廣告 (咁佢的確係廣告來既)，SEO就好似口碑同公關，一間公司如果肯俾錢賣廣告，其實會提升到公關形象同口碑；而一間有口碑既公司，自然吸引到傳媒，可以減省部份廣告費。SEM同SEO最初望落好似互相排斥，但其實係呢行玩得耐既公司同從業員都知道，SEM同SEO係相輔相承既關係，好既DM公司一定會平衡兩者，一個整體solution咁俾客人。

Back to Top

總結

作為連登既fans，見到本業既高質thread，都會分享俾各位老友睇。搵網頁設計公司，千其唔好淨係睇表面野，如果個個都認清事實真相，咁個市場就能提升水平，有一個更健康既網頁設計生態。

如欲了解更多網頁設計收費及詳情，歡迎聯絡香港網頁設計公司pnetform Technology。

Back to Top