判斷網頁設計公司好與壞

有無試過遇上不稱心既網頁設計公司? 做生意原本已經好多煩惱，一旦遇上網頁爛尾、難用等，可謂煩上加煩，網頁就尤如公司網上店鋪，如果間鋪不定時關門，可以想像到對生意有幾大影響。有無羡慕過其他公司，非常容易就可以俾客人在網上搵到，甚至在地圖上顯示位置，其實你只要搵間好既網頁設計公司，都可以擁有一個有質素既公司網站。

或者你會問，「我未試過間網頁公司，點知得唔得呢? 如果衰，都洗濕左個頭，返得翻轉頭啦。」pnetform係香港網頁公司，非常明白客戶既關注點，深明如何在有限時間內，俾客戶理解我地既強項。要揀網頁公司，不外乎觀察同提問。

溫故知新: 七個你應該搵香港網頁設計公司的原因

網頁公司自己的網站

如果處理教育既官員都送仔女去外國讀書，你會對本地教育系統有信心嗎? 相信都有一定難度。網頁公司都係一樣，大家可以上到網頁公司既網站，睇下佢地既設計風格、功能技術等等，無論係第一感覺、手機支援程度 (Responsiveness)、UI/UX都可以從網頁睇得到試得到。網頁公司本身網站既設計未必係需要同你所要既樣，因為網站公司基本上都會跟住客戶既品牌指引 (Brand guideline)，更重要係網站可否吸引到你既注視，睇落令人覺得很新很有個性，而唔係陳陳舊舊，多年閒置的。再深入觀察網站，一間持續活躍既公司，應該會有定期更新內容，或者經常有新既博客文章。

延伸閱讀: 如何衡量網頁公司的質素

網頁公司客戶的網站

好多網頁公司網站都會羅列出過往客戶既網頁案例，甚至有連結直接去到客戶網站，如果可以既話，盡量睇多幾個客戶網站，並且留意幾點：

1. 客戶規模 – 知名客戶都著重品牌，佢地揀得呢間網頁公司，都會深思熟慮
2. 專業性 – 客戶網站可否帶出個客既獨特性同風格
3. 比較 – 要知網頁公司會否用俗稱「罐頭」既模版 (Template) 倒模，只要比較下就知

正所謂「唔怕貨比貨」，網頁設計公司有信心陳列作品，自有過人之處。從事設計者，應該有一份吸引人既自信。

營業代表專業性

睇過網頁設計公司同客戶既「示範單位」，認為可以查詢後，不妨打個電話或者Send個電郵 (正常網站都會有聯絡方法)。留意營業代表或者網頁顧問需要幾多時間回應，簡單如此已略略估計到網頁公司有幾專業，一般而言，網頁公司如有服務熱線，規模會較大，而能在即日辦公時間內回覆，亦當相當不錯。如果往往在辦公時間後才能回覆，就可能係以兼職或自由工作 (Freelance)形式運作。另外網頁不需要硬銷 (Hard sell)，因為網頁並唔係一個消費品，網頁係公司重要既投資，雖然跟進項目既好多時唔會係營業代表，可能係項目經理 (Project manager)或者客戶經理 (Account manager)，不過營業代表一定程度反映左呢間公司既文化。網頁設計公司係 B2B既長期合作伙伴，寧願小心選擇。

相關行業網站設計經驗

採購最重要既係提問，以下落來我地會介紹最重要既網站問題，每條問題份量接近。首先可以先問問網頁公司有無做過你行業既網站，如有固然好，因為網頁公司會了解你既期望，做起上來會駕輕就熟；即使無，亦可能有新既視角同觀點，為設計帶來火花。所以先問相關經驗，再按答復來查詢能唔能夠達到相應既期望。記著，世界何止有七十二行，最緊要係有無從中獲得設計既領悟。

網站設計UX重視程度

好多人誤以為網站設計即係平面設計既一種，有呢種誤解，係因為網頁以平面方式(2D)呈現，其實網頁最重要既係UX (User experience, 用戶體驗)，簡單講即係點樣用，由顯示方法、連結、流程，是否符合「三按原理」(Three-click theory, Click 3下就搵到需要既資料)等，以簡單易用為依歸。不妨單刀直入問網頁設計公司，點樣處理UI/UX，如果對方只係流於視覺 (Visual)，忽略左網站使用，就可以知道佢既網頁功能去到邊。

內容管理系統

一個有生命力既網站需要不斷更新，如果網站只係直接用程式碼硬砌出來 (Hard code)，一般人就改唔到網站內容。所以決定光顧網頁設計公司前，一定要問清楚網站係使用邊款「內容管理系統」(Content Management System, CMS)。市面上較普及既CMS包括開源既 WordPress、Joomla或者封閉平台諸如 Wix.com、Shopify等，亦有公司會使用自家開發既CMS，之前我地有篇文章討論如何選擇CMS，大家不妨重溫。另外有CMS亦不代表可以完全為所欲為，一般來講公司同事可以用CMS Update 圖文內容，但更改網頁結構就需受到一定既訓練，如果在設計網頁時有特別要求，相關既UI/UX有機會唔可以隨意修改，所以簽約前問清楚網頁公司：

• 網站後台使用邊種CMS?
• 可以使用CMS更改邊類內容?
• 有沒有使用指南、培訓或示範?
• 特別要求將來如何更新?

知多一點點: 網頁平台、訂製網頁系統還是開源CMS?

網頁設計團隊

由於入門門檻低，唔少「香港網頁設計公司」其實只係兼職性質，或者只有一名銷售員，接到Job後再外判俾其他Freelancer去做。並唔係話Freelancer做野差，有好多好出色既 Web designer都用Freelance形式工作，但我地認為了解網頁設計團隊，先可以制定工作安排，例如選擇左一位兼職網頁設計師，就需要安排收工後開會。假如你認為網頁設計以至日後既支援需要一定既服務同穩定性，選擇一間商業網頁設計公司就較恰當。

網站設計開發工作流程

另一個判斷「網頁公司」是否真正既公司，還是Freelancer既重要指標，就係工作流程。公司係一個團隊，有經驗既網頁公司可以即時話你知網頁設計既每一個工序，為何呢個流程對成個工程最適合，以及你應該期望既過程及結果。網頁公司亦要好清楚咁話到俾客戶知道，成個Web design project需要幾多時間，每個階段客戶要如何配合，因為無客戶既支持，網頁係無可能無中生有。有客人最初以為網頁公司需要包影相、寫作同翻譯，呢一切都應該一早講清楚，免得開工時引起爭執。

專業服務: 2020網頁設計流程

如何配合網上推廣

記住，網站設計等同店鋪裝修，一間鋪設計得再靚，一個商場再好行，如果無人流，係完全無意思的。要網站發揮功用，就要配合網上推廣，再收集數據用來優化網站UI/UX。所以做網頁設計前，應該問清楚網頁公司，將來網站可唔可以支援Digital marketing。最基本既包括裝配Google Tag Manager用以收集數據，Facebook Pixel 進行社交媒體及網站互動分析，甚至需要連接相關既客戶關係管理系統 (Customer Relation Management, CRM)，網頁公司唔一定要做埋Digital marketing，但網站需要支援相關既工具，否則網站完成之日只可以望天打卦。

時至2020年，香港以至全世界出現大量黑天鵝，網站成為遙距營商 (Distance business)不可或缺既一員。今時今日先講網站，不為晚也，即使網站健在但無經常更新，亦如得物無所用。特區政府為對付疫情，準備推出「遙距營商計劃」(D-Biz)，pnetform可為符合資格企業提供網店設計及網上推廣服務，如你需要網頁設計服務，歡迎聯絡pnetform網頁設計公司([email protected])